Pesca sportiva

Acquario di Ariis

Attività scientifica

Tutela e vigilanza

Pesca professionale

a chi si rivolge

Il cors pal otigniment de abilitazion al esercizi de pescje sportive intes aghis internis dal FVJ al è risiervât ai residents in FVJ, che a vedin finît 13 agns e che a vuelin otignî une licence di pescje sportive di gjenar A o di gjenar B.

La partecipazion al cors e je a titul gratuit.

INFORMAZIONS Segretarie Cors ETPI - tel. (+39) 0432.551.205, email: licenze@etpi.fvg.it

Carateristichis par partecipâ al cors

Par podê partecipâ al cors si à di:

  • jessi residents in Friûl Vignesie Julie;
  • vê finît 13 agns, ma dome a 14 si podarà domandâ la consegne de licence;
  • vê presentât al ETPI il modul di iscrizion al cors di abilitazion intai tiermins e intes modalitâts fissadis. No je previodude la convocazion;
  • presentâsi al cors (ancje intal câs di partecipants minôrs di etât) cuntun document di identitât valit.

torna su

Tiermins e modalitâts di iscrizion al cors e di emission licence

La iscrizion al cors e varà di rivâ midiant dal modul par maiôrs e minôrs di etât, compilât in dutis lis sôs parts. Al at de iscrizion, l'interessât al podarà domandâ ancje la consegne de licence di pescje sportive di gjenar A o B (pai partecipants minôrs di etât, dome se a àn finît 14 agns).

Il modul al pues jessi ritirât ancje tai Uficis Licencis e tes Associazions di pescje sportive, e al pues jessi presentât tai Uficis Licencis dal sotscritôr o par cure di tierçs, inviât par pueste, par fax al 0432/48.24.74, o vie mail ae direzion: etpi@regione.fvg.it

Par vê la licence di pescje sportive la dì di davuelziment dal cors, al modul al covente zontât:


pai maiôrs di etât

- copie no autenticade de ricevude dal viersament di € 30,00 sul c/c postâl N. 207332 - Ente Tutela Pesca FVG - causâl: “Emission Licence”. L’origjinâl al varà di jessi consegnât la dì dal cors
- copie no autenticade dal document di identitât dal sotscritôr
- copie no autenticade dal codiç fiscâl dal sotscritôr
- copie marcje di bol di € 16,00. L’origjinâl al varà di jessi consegnât la dì dal cors

pai minôrs di etât

- copie no autenticade de ricevude dal viersament di € 30,00, intestât al minôr, sul c/c postâl N. 207332 - Ente Tutela Pesca FVG - causâl: “Emission Licence di Pescje”. L’origjinâl al varà di jessi consegnât la dì dal cors
- copie no autenticade dal document di identitât dal sotscritôr, pai tutôrs ancje fotocopie dal at di tutele
- copie no autenticade dal document di identitât dal minôr
- copie no autenticade dal codiç fiscâl dal minôr
- copie marcje di bol di € 16,00. L’origjinâl al varà di jessi consegnât la dì dal cors.

Lis iscrizions rivadis fin a 3 dîs prime de date di davuelziment dal cors a saran calcoladis acetadis, almancul che nol sedi stât passât il numar massim di partecipants fissât par cualchi sede dai cors.

L’ETPI si risierve la facoltât di no acetâ:
- lis iscrizions rivadis une volte passât il numar massim di partecipants consintût pal cors indicât sul modul;
- lis iscrizions rivadis cence rispietâ il tiermin dai 3 dîs di anticip.
In chescj câs ETPI al contatarà cui che al à fate domande al recapit (telefon o messaç di pueste eletroniche) segnât sul modul di iscrizion.
No son ametûts ae frecuentazion dal cors chei che no vedin presentât in maniere regolâr al ETPI il modul di iscrizion.
I cors a saran organizâts dal ETPI se a rivaran almancul n. 10 iscrizions.

torna su

Argoments dal cors

I argoments dal cors a tocjin chestis tematichis:

  • elements di morfologjie e fisiologjie dal pes;
  • classificazion e ricognossiment des speciis itichis principâls che si cjatin intes aghis internis de Regjon Friûl Vignesie Julie;
  • calendari anuâl di pescje sportive;
  • normis di compuartament intant de pescje;
  • furniments e tecnichis di pescje;
  • leç istitutive dal ETPI.

torna su

Durade dal cors

Il cors al dure 4 oris.

Par podê domandâ la consegne de licence di pescje sportive di gjenar A o B, e je obligatorie la frecuence integrâl dal cors, comprovade de firme suntun regjistri di pueste. Nol è previodût un esam finâl.

 

torna su

Calendari dai cors

Viôt il calendari cu lis datis e lis sedis di davuelziment dai cors organizâts dal ETPI e des Organizazions di pescje sportive.

torna su

Ritîr de licence la dì dal cors

Dopo vê frecuentât in maniere integrâl il cors (4 oris), il partecipant di almancul 14 agns, che al at di iscrizion al veve domandade la consegne de licence, une volte consegnade la ricevude in origjinâl dal viersament di € 30,00 e une marcje di bol di € 16,00, al ricevarà la licence di pescje sportive cul boletin di paiament dal canul anuâl di pescje.

I minôrs di 14 agns a podaran domandâ la licence dome de dì che a finissin 14 agns.

torna su

Ritîr de licence in date sucessive a chê dal cors

Al tiermin dal cors, il partecipant, che al at de iscrizion nol veve domandât la consegne de licence, al ricevarà istruzions, modul e boletin di viersament pal ritîr sucessîf de licence.

Il modul par maiôrs e minôrs di etât al pues jessi ritirât ancje tai Uficis Licencis e li des Associazions di pescje sportive.

Par domandâ la emission de licence, al covente che il modul al sedi sotscrit di cui che al fâs domande se maiôr di etât (18 agns finîts), o di un gjenitôr/tutôr intal câs che al fasi domande un minôr (di 14 a 17 agns), e che al sedi presentât ai Uficis Licencis dal sotscritôr, par cure di tierçs o inviât par pueste.

Al modul a àn di jessi zontâts:

pai maiôrs di etât

- marcje di bol di € 16,00
- ricevude in origjinâl dal viersament di € 30,00 (pes domandis mandadis par pueste, il viersament al à di jessi di € 38,00) sul c/c postâl N. 207332 – Ente Tutela Pesca FVG - causâl: “Emission Licence”
- copie no autenticade dal document di identitât dal sotscritôr
- copie no autenticade dal codiç fiscâl dal sotscritôr.

pai minôrs (14/17 agns)


- marcje di bol di € 16,00
- ricevude in origjinâl dal viersament intestât al minôr di € 30,00 (pes domandis par pueste, il viersament al à di jessi di € 38,00) sul c/c postâl N. 207332 - Ente Tutela Pesca- causâl: “Emission Licence di Pescje”
- copie no autenticade dal document di identitât dal sotscritôr, pai tutôrs ancje fotocopie dal at di tutele
- copie no autenticade dal document di identitât dal minôr
- fotocopie no autenticade dal codiç fiscâl dal minôr.

 

 

torna su

Canul pescje sportive

Par esercitâ la pescje sportive, in plui des spesis pe consegne de licence, al covente fat - dopo vê ritirade la gnove licence - il paiament dal canul anuâl pal ritîr dal Libret Anuâl Ricognitîf indulà segnâ jessudis e pescjât.

I canui pe licence di gjenar B a son:
- Ridot € 15,00 - pai minôrs di etât fra 14 e 18 agns no finîts al prin di Zenâr
- Ordenari € 60,00 - pai maiôrs di etât
Il canul pe licence di gjenar A al è unic e al è di € 1.500,00.

I boletins pal paiament dal canul anuâl a son consegnâts al at di emission de licence di pescje, stant che a ripuartin il numar de stesse.

La ricevude di paiament dal canul, la licence di pescje, e la etichete “Gnûf Pescjadôr” consegnade di ETPI dutune cu la gnove licence, a permetaran di ritirâ il Libret Anuâl Ricognitîf, dulà segnâ jessudis e pescjât, tai Uficis Licencis o tai Recapits.

torna su

A cui domandâ informazions

Pal cors: Lisa Tamos - tel. (+39) 0432 551.205 email: lisa.tamos@regione.fvg.it
Pes licencis: Ufici Licencis ETPI - tel. (+39) 0432.551.222/202 email: licenze@etpi.fvg.it

torna su

Riferiments normatîfs

Decrets dal diretôr dal ETPI pe aprovazion dai cors di formazion pal otigniment de abilitazion al esercizi de pescje sportive par cure di ETPI:

 

Decrets dal diretôr dal ETPI pe aprovazion dai cors di formazion pal otigniment de abilitazion al esercizi de pescje sportive par cure des Organizazions di pescje sportive:

torna su