Pesca sportiva

Acquario di Ariis

Attività scientifica

Tutela e vigilanza

Pesca professionale

Pescjâ + libret

Pescjâ cun Licence e Libret Anuâl Ricognitîf (libret caturis)

 

Cemût pescjâ cun licence FVJ e ritirâ un gnûf libret anuâl ricognitîf

Par pescjâ, il pescjadôr cun licence di pescje sportive FVJ al à di puartâ cun se ogni volte che al va fûr:

  • licence di pescje sportive FVJ di gjenar A o B valide
  • ricevude in origjinâl di viersament dal canul anuâl
  • libret anuâl ricognitîf
  • un document di identitât valit

Par ritirâ il libret anuâl ricognitîf, che al covente par segnâ jessudis e caturis, il pescjadôr al pues indreçâsi ai Uficis Licencis o ai Recapits par LAR (societâts di pescje sportive convenzionadis che a dan il libret cence oblic di iscrizion).

Al at de domande dal libret, il pescjadôr, o une tierce persone, al à di esibî:

  • licence di pescje sportive FVJ di gjenar A o B
  • ricevude in origjinâl di paiament dal canul anuâl
  • l'eventuâl ultin libret anuâl ricognitîf ritirât.

Tal câs che al sedi lât pierdût o che nol sedi stât ritirât il libret precedent, il pescjadôr al compilarà une declarazion sostitutive di pueste e al zontarà la copie di un document di identitât e dal codiç fiscâl.
ETPI al doprarà i dâts contignûts intal libret anuâl ricognitîf par finalitâts statistichis, duncje il libret al varà di jessi tornât indaûr cuant che si ritire chel sucessîf.

INFORMAZIONS Ufici Licencis ETPI - tel. (+39) 0432.551.222/202, email: licenze@etpi.fvg.it