Pescare in FVG

Acquario di Ariis

Attività scientifica

Tutela e vigilanza

Licence e/o libret des caturis robâts o pierdûts

Robarie o pierdite di licence / libret anuâl ricognitîf / ricevude dal canul

In câs di robarie o pierdite, si puedin domandâ i duplicâts di chescj documents di pescje in cors di validitât:
1. LICENCE FVJ robade/pierdude
2. LIBRET ANUÂL RICOGNITÎF robât/pierdût
3. LICENCE FVJ E LIBRET ANUÂL RICOGNITÎF robâts/pierdûts
4. Pierdite de ricevude di paiament dal canul


1. LICENCE FVJ PIERDUDE/ROBADE

Par otignî un duplicât di licence di pescje sportive FVJ, il pescjadôr al varà di presentâ ai Uficis Licencis ETP par cure di tierçs o midiant pueste:

a) Declarazion sostitutive pe robarie/pierdite de licence, che i siei dâts, se no si cognossin, a àn di jessi domandâts ai Uficis Licencis ETP;
b) Copie dal document di identitât e codiç fiscâl dal pescjadôr;
c) Ricevude di paiament di € 5,00 fat online o sul c/c postâl N. 207332, intestât a “Ente Tutela Pesca FVG”. Se la domande di duplicât e je mandade par pueste, il paiament al è di € 13,00 (€ 5,00+ € 8,00 par duplicazion e spesis di segretarie). La causâl dal viersament e je “duplicât di licence”. ETP al mandarà la licence cun letare racomandade A/R.


2. LIBRET ANUÂL RICOGNITÎF PIERDÛT/ROBÂT

La domande di duplicât di libret anuâl ricognitîf e pues jessi presentade dal interessât o par cure di tierçs dome al Uficis Licencis ETP o al Recapit ETP dulà che al jere stât ritirât. E je pussibile ancje la spedizion par pueste, ma dome al Ufici Licencis ETP di Udin. Par otignî il duplicât, il pescjadôr al varà di presentâ:

a) Declarazion sostitutive pe robarie/pierdite dal libret anuâl ricognitîf, chei i siei dâts a àn di jessi domandâts al Ufici Licencis o al Recapit ETP dulà che al jere stât ritirât.
b) Copie dal document di identitât e codiç fiscâl di cui che al fâs domande.
c) Ricevude di paiament di € 5,00 fat online o sul c/c postâl No. 207332, intestât a “Ente Tutela Pesca FVG”. Si pues ancje spedî par pueste, ma dome al Ufici Licencis ETP di Udin, in vie Culugne 3, e dome pai librets ritirâts intai Uficis Licencis ETP; in chest câs, il paiament al è di € 13,00 (€ 5,00+ € 8,00 par duplicazion e spesis di segretarie). La causâl dal viersament e je “duplicât di libret anuâl ricognitîf”. ETP al mandarà il libret cun racomandade A/R.

3. LICENCE FVJ E LIBRET ANUÂL RICOGNITÎF PIERDÛTS/ROBÂTS

Par otignî un duplicât di licence di pescje sportive FVJ e di libret anuâl ricognitîf, il pescjadôr al varà di presentâ, par cure di tierçs o midiant pueste, ai Uficis Licencis ETP

a) Declarazion sostitutive pe robarie/pierdite de licence di pescje sportive FVJ e dal libret anuâl ricognitîf. I dâts de licence a àn di jessi domandâts ai Uficis Licencis ETP, e chei dal libret al Ufici Licencis o al Recapit ETP dulà che al jere stât ritirât.
b) Copie dal document di identitât e codiç fiscâl di cui che al fâs domande.
c) Ricevude di paiament di € 10,00 (€ 5,00 par ogni duplicât) fat online o sul c/c postâl N. 207332, intestât a “Ente Tutela Pesca FVG”. Se la domande di duplicât e je mandade par pueste, il paiament al è di € 18,00 (€ 10,00 + € 8,00 par duplicazion e spesis di segretarie). La causâl dal viersament e je “duplicât di licence e libret ricognitîf”. ETP al mandarà licence e libret cun racomandade A/R.


4. PIERDITE DE RICEVUDE DAL CANUL

Par otignî il duplicât de ricevude di paiament dal canul, si àn di contatâ i Uficis Licencis ETP che a podaran dâ une atestazion dal canul dome se paiât online o cul boletin precompilât inviât di ETP a ducj i pescjadôrs ae fin di Dicembar.

I paiaments fats su boletins compilâts a man o cun altris sistemis, no simpri a risultin regjistrâts sul nominatîf dal pescjadôr.

INFORMAZIONS Ufici Licencis ETP - tel. (+39) 0432.551.222/202, email: licenze@entetutelapesca.it