Pesca sportiva

Acquario di Ariis

Attività scientifica

Tutela e vigilanza

Pesca professionale

Licencis FVJ validis

Informazions su lis Licencis di pescje sportive, validis par pescjâ in FVJ

 

Su la fonde de normative in vore (LR 26/2012 art. 231 e 232), la licence di pescje sportive e à durade ilimitade, duncje i gjenars di licencis di pescje che cumò a permetin di pescjâ in FVJ a son: 

LICENCE DES PROVINCIIS FVJ, emetude prime dai 24/04/1991 - cuviertute di tele blu e numar dorât

A son validis se:

  • su lis pagjinis internis che a contegnin i dâts anagrafics e di residence al è un numar scrit e timbrât di ETPI. In mancjance dal numar ETPI, il pescjadôr al pues puartâ la licence cuntun document di identitât e il codiç fiscâl al Ufici Licencis plui dongje pal inseriment gratuit intal regjistri dai pescjadôrs.
  • a ripuartin i dâts anagrafics e di residence corets (viôt Cambi di residence).

Lis licencis a puedin jessi dopradis par pescjâ ancje in altris regjons di Italie; in ogni câs, se si à miôr, a puedin jessi sostituidis cuntune gnove licence cence scjadince, al cost di € 5,00 (viôt Sostituzion licencis).

Se valide, viôt Pescjâ + libret.

torna su

LICENCE FVJ emetude di ETPI dai 24/04/1991 - cuviertute celeste cence foto

A son validis se a ripuartin i dâts anagrafics e di residence corets (viôt Cambi di residence).


Lis licencis a puedin jessi dopradis par pescjâ ancje in altris regjons di Italie; in ogni câs, se si à miôr, a puedin jessi sostituidis cuntune gnove licence cence scjadince, al cost di € 5,00 (viôt Sostituzion licencis).


Se valide, viôt Pescjâ + libret.

torna su

LICENCE FVJ emetude di ETPI dal 2002 - tessare in plastiche cun foto e cun date di scjadince

A son validis se a ripuartin i dâts anagrafics e di residence corets (viôt Cambi di residence).

Lis licencis a puedin jessi dopradis par pescjâ ancje in altris regjons di Italie; in ogni câs, se si à miôr, a puedin jessi sostituidis cuntune gnove licence cence scjadince al cost di 5,00 euros (viôt Sostituzion licencis).

Se valide, viôt Pescjâ + libret.

torna su

LICENCE FVJ emetude di ETPI dal 01/01/2014 - tessare in plastiche cence foto e cence date di scjadince

A son validis se a ripuartin i dâts anagrafics e di residence corets (viôt Cambi di residence).

Se validis, viôt Pescjâ + libret.

torna su

LICENCE di altris regjons di Italie otignude dopo vê superât un esam o cu la partecipazion a un cors

Dal 1n di Zenâr dal 2018 i residents in altris regjons di Italie, titulârs di licence di pescje sportive, ancje cun altris denominazions, dade fûr in altris regjons de Republiche Taliane dopo vê frecuentât un cors o superât un esam, a puedin esercitâ la pescje in FVJ par dut l’an solâr, dopo vê paiât il canul anuâl par une sume compagne di chel che al è stabilît pai residents in FVJ e dopo vê otignût il Libret Anuâl Ricognitîf, come pai residents.

Lis cuotis pal an 2018 a son chestis:

  • tal câs di licence sportive di gjenar A (pescje cu la belance) € 1.500 anuâi;
  • tal câs di licence di gjenar B (pescje cun altris imprescj) € 60,00 pai pescjadôrs maiôrs di etât e € 15,00 pai pescjadôrs di etât jenfri 14 e 17 agns finîts.

Il viersament al pues jessi fat sul cont corint postâl n. 207332 doprant un boletin postâl “in blanc” o chel prestampât dai Uficis Licencis. Al è ancje pussibil paiâ il canul online, ma dome pai pescjadôrs za regjistrâts dal Ent Tutele Patrimoni Itic.

Par jessi regjistrâts, si à di jemplâ un modul pai maiôrsminôrs di etât (14/17) par domandâ la emission dal Libret anuâl ricognitîf (LAR), il document dulà segnâ lis jessudis e lis caturis. La domande e va consegnade ai Uficis Licencis o ai Recapits par LAR convenzionâts.

Il modul al conten une autocertificazion sul possès de licence di pescje e sul superament dal esam relatîf o su la frecuence dal cors.

Al modul si àn di zontâ chescj documents:

  • copie no autenticade di un document di identitât e dal codiç fiscâl;
  • copie de licence di une altre regjon di Italie;
  • atestazion eventuâl de frecuence dal cors o dal superament dal esam.

La domande e podarà jessi sotscrite de persone maiôr di etât che e fâs domande (18 agns finîts) in presince dal dipendent ETPI assegnât, o sotscrit e presentât, adun cuntune copie no autenticade di un document di identitât e dal codiç fiscâl dal firmatari, ancje par man di tierçs.

Tal câs che la domande e sedi presentade par cont di un pescjadôr di etât comprendude jenfri i 14 e i 17 agns, il modul pai minôrs al varà di jessi sotscrit dal gjenitôr o dal tutôr e al varà di vê in zonte chescj documents:

  • copie no autenticade di un document di identitât dal firmatari, pai tutôrs ancje la copie dal at di tutele;
  • copie no autenticade di un document di identitât e dal codiç fiscâl dal minôr;
  • copie de licence di une altre regjon di Italie;
  • atestazion eventuâl de frecuence dal cors o dal superament dal esam.

Vie pal esercizi de pescje al è necessari vê cun se, par esibî a ogni domande dai orghins di vigjilance:

  • Un document di identitât valit,
  • La licence di pescje,
  • La ricevude origjinâl dal paiament de canul anuâl,
  • Il libret anuâl ricognitîf compilât in maniere corete.

La dissipline de pescje e je contignude tal Calendari di pescje sportive FVJ (CPS).

torna su