Pescare in FVG

Acquario di Ariis

Attività scientifica

Tutela e vigilanza

Cambi residence

Cun licence di altris Regjons di Italie

Il pescjadôr che al à acuiside la residence in FVJ, za titulâr di licence di pescje di une altre regjon, al pues otignî la licence FVJ cence vê di partecipâ al cors di abilitazion ae pescje sportive intes aghis internis dal FVJ, consegnant ai Uficis Licencis ETP la licence che al à za.

Cun licence FVJ

Il pescjadôr cun licence di pescje sportive FVJ al è tignût a regjistrâ a gratis tai Uficis Licencis ETP il cambi di residence (daûr dal art. 3 dal DPZR 0712/Pres dai 7/9/1990). 

Duncje, il pescjadôr al à di fâ rivâ ai Uficis Licencis di persone, midiant di altris personis o ancje par pueste, la documentazion che si domande ca sot:

  • document di identitât e codiç fiscâl dal pescjadôr (in copie, se par cure di tierçs o midiant pueste)
  • licence di pescje sportive di gjenar A o B
  • libret anuâl ricognitîf cun ricevude dal canul, se za paiât
  • ricevude in origjinâl dal paiament dal canul anuâl
  • atestazion de gnove residence daûr de normative in vore:

a) il pescjadôr al pues compilâ la declarazion sostitutive predisponude di ETP. Pai pescjadôrs cun mancul di 18 agns, la declarazion e à di jessi fate dal gjenitôr/tutôr dal minôr.

b) il pescjadôr al pues mostrâ un document di identitât in cors di validitât che al ateste la gnove residence.

Se si domande il cambi di residence par pueste, e covente zontade ancje une ricevude di paiament di € 8,00 par cuvierzi lis spesis postâls e di segretarie, di paiâ online o sul c/c postâl N. 207332, intestât a Ente Tutela Pesca FVG cun causâl “cambi residence". ETP al mandarà licence e libret inzornâts cun racomandade A/R.

ETP al ripuartarà la gnove residence su la licence, sul libret caturis e su la ricevude di paiament dal canul.

INFORMAZIONS Ufici Licencis ETP - tel. (+39) 0432.551.222/202, email: licenze@entetutelapesca.it