Pesca sportiva

Acquario di Ariis

Attività scientifica

Tutela e vigilanza

Pesca professionale

Otignî la licence FVJ

Informazions su la emission de licence di pescje sportive dal FVJ

 

La licence di pescje sportive FVJ e je dade a:

  • residents in FVJ cun almancul 14 agns, che a vedin otignût za la abilitazion FVJ
  • ai neoresidents in FVJ, che a vedin une licence di pescje sportive di une altre regjon di Italie vude dopo ve fat un cors o esam.

In ducj chei altris câs par vê la licence dal FVJ e covente la abilitazion ae pescje sportive intes aghis internis dal FVJ che si oten partecipant al cors di abilitazion.

La licence di pescje dal FVJ e pues jessi:

  • di gjenar A: pescje cun belance fisse, durade ilimitade (canul anuâl di € 1.500,00);
  • di gjenar B: pescje cun altris imprescj, durade ilimitade (canul anuâl di € 60,00 par maiôrs di etât; € 15,00 par minôrs di etât fra 14 e 17 agns ae date dal prin di Zenâr).

Par domandâ la licence di pescje, si à di compilâ il modul cors/licence maiôrs di etât o minôrs, paiâ € 30,00 sul c/c postâl N. 207332 intestât a Ente Tutela Patrimonio Ittico, cun causâl “licence di pescje” e cuistâ une marcje di bol di € 16,00.

Pai neoresidents in FVJ, zontâ ancje la licence di pescje sportive valide di une altre regjon di Italie vude dopo vê fat un cors o passat un esam.

I modui si puedin ritirâ ancje tai Uficis Licencis e tes Societâts di pescje sportive e a àn di jessi scrits e firmâts di cui che al fâs domande, pai maiôrs di etât, o di un gjenitôr/tutôr pai minôrs dai 14 agns finîts ai 17.

Si presentin tai Uficis Licencis, in maniere direte dal sotscritôr, par cure di tierçs o par pueste: Ente Tutela Patrimonio Ittico - vie Culugne 3 - 33100 Udin.

Par doprâ la licence di pescje sportive FVJ al covente paiât il canul anuâl. I boletins pal paiament dal canul anuâl, cun stampât il numar de licence, a saran consegnâts insiemi cu la gnove licence.

I canui pe licence di gjenar B a son:

  • Ridot € 15,00 - pai minôrs dai 14 ai 18 agns no finîts al prin di Zenâr;
  • Ordenari € 60,00 - pai maiôrs di etât.

Il canul pe licence di gjenar A al è unic, vâl a dî di € 1.500,00.

 

Par ritirâ il libret anuâl ricognitîf, dulà notâ jessudis e caturis, il pescjadôr, o une tierce persone, al à di presentâ ai Uficis Licencis o ai Recapits par LAR (societâts di pescje sportive convenzionadis che a dan il libret cence oblic di iscrizion):

  • licence di pescje sportive FVJ di gjenar A o B;
  • ricevude in origjinâl di viersament dal canul anuâl;
  • la etichete "Gnûf Pescjadôr" consegnade cu la gnove licence FVJ.

Par pescjâ al covente vê cun se:

  • licence di pescje sportive FVJ di gjenar A o B;
  • libret anuâl ricognitîf;
  • ricevude di paiament dal canul (in origjinâl);
  • document di identitât.

La pescje e je dissiplinade dal calendari di pescje sportive ETPI (CPS) in cors di validitât e des normis relativis.

INFORMAZIONS Ufici Licencis ETPI - tel. (+39) 0432.551.222/202, email: licenze@etpi.fvg.it